აქშიირაქი
აქშიირაქი (იგივე აქ-შიირაქი, ყირგ. ак шыйрак — თეთრჩლიქა (ცხვარზე), თეთრ წინდებში (ცხენზე)) — მთიანეთი ტიან-შანის მთათა სისტემაში ყირგიზეთის ტერიტორიაზე. იგი ქმნის წყალგამყოფს მდინარე ნარინისა და აქსუს მდინარეთა აუზებს შორის. გადაჭიმულია დაახლოებით 50 კილომეტრზე. უმაღლესი წერტილის სიმაღლეა 5126 მ. აგებულია მეტამორფული ფიქლებით, კირქვებითა და გრანიტებით. წარმოადგენს ტიან-შანის გამყინვარების მნიშვნელოვან ცენტრს: გამყინვარების მთლიანი ფართობია 439 კმ², 59 მყინვარიდან ყველაზე გამორჩეულია პეტროვის მყინვარი, რომელიც მდინარე ნარინის სათავეს წარმოადგენს. გაბატონებულია მაღალმთის სუბნივალური და გლაციალურ-ნივალური ლანდშაფტები.
| აქშიირაქი | |
|---|---|
| |
| კოორდინატები: 41°52′33″ ჩ. გ. 78°25′34″ ა. გ. / 41.87583° ჩ. გ. 78.42611° ა. გ. | |
| ქვეყანა |  ყირგიზეთი
|
| სიმაღლე | 5126 მ |
| სიგრძე | 50 კმ |
  | |
რესურსები ინტერნეტში
რედაქტირება- აქშიირაქი — სტატია დიდი რუსული ენციკლოპედიიდან (რუსული)