ბერტა ხაფავა

ბერტა ხაფავა (დ. 15 მაისი, 1941, თბილისი — გ. 17 თებერვალი, 2025, იქვე) — ქართველი მსახიობი, საქართველოს სსრ-ის დამსახურებული არტისტი (1979).

ბერტა ხაფავა
დაბადების თარიღი	15 მაისი, 1941 თბილისი, საქართველოს სსრ, სსრკ
გარდაცვალების თარიღი	17 თებერვალი, 2025 (83 წლის) თბილისი, საქართველო
მოქალაქეობა	სსრკ →  საქართველო
ალმა-მატერი	შოთა რუსთაველის სახელობის სახელმწიფო თეატრალური ინსტიტუტი
საქმიანობა	მსახიობი
დამსაქმებელი	რუსთაველის თეატრი, გორის დრამატული თეატრი, მოზარდ მაყურებელთა თეატრი
ჯილდოები	საქართველოს სსრ დამსახურებული არტისტი

1966 წელს დაამთავრა თბილისის შოთა რუსთაველის სახელობის სახელმწიფო თეატრალური ინსტიტუტის სამსახიობო ფაკულტეტი.

1960 წლიდან მოღვაწეობდა შოთა რუსთაველის სახელობის სახელმწიფო აკადემიურ თეატრში სცენის თანამშრომლად. 1966 წლიდან იყო გორის თეატრის მსახიობი. 1969 წლიდან თბილისის მოზარდ მაყურებელთა ქართული თეატრის დასში გადავიდა. მის მიერ შესრულებული როლებიდან აღსანიშნავია: კატა (ე. შვარცის „წითელქუდა“), ქეთინო (ალ. თაბორიძის „დაკარგული დრო“), ბარბარე (ლ. ქიაჩელის „ტარიელ გოლუა“), ილია (ვ. იაქაშვილის „ციხის ხევის საიდუმლო“), თხა (გ. ახვლედიანის „ბაბუა და შვილიშვილი“), კოწია (ა. ჭილაშვილის „აცა-ბაცა“), ტურა (გ. ნახუცრიშვილის „ჭინჭრაქა“), რიტა ოსიანინა (ა. ვასილიევის „განთიადი კი აქ წყნარი იცის“), მერი პოპინსი (პ. ტრავერსი „მერი პოპინსი“) და სხვა. გადაღებულია მხატვრულ ფილმებში: „ნატვრის ხე“ (1976), „სამანიშვილის დედინაცვალი“ (1977), „რამდენიმე ინტერვიუ პირად საკითხებზე“ (1978), „სიყვარული ყველას უნდა“ (1980), „არაჩვეულებრივი რეისი“ (1982), „ზოგი ჭირი მარგებელია“ (1984), „ბებია ყველასათვის“ (1986), „ფესვები“ (1987), „ორფეოსის სიკვდილი“ (1996), „სიყვარული და კარტოფილი“ (2003), „დარჩი ჩემთან“ (2011), „გრძელი ნათელი დღეები“ (2013) და სხვა.

2013 წლის 18 მაისს მოზარდ მაყურებელთა თეატრის წინ მსახიობის ვარსკვლავი გაიხსნა.

გარდაიცვალა 2025 წლის 17 თებერვალს, 83 წლის ასაკში.

ფილმოგრაფია

1976 — „ნატვრის ხე“ 1977 — „სამანიშვილის დედინაცვალი“ — მელანო 1978 — „რამდენიმე ინტერვიუ პირად საკითხებზე“ 1979 — „ორმო“ — კირილეს ცოლი 1979 — „ზღარბი“ — ლიას დედა 1980 — „სიყვარული ყველას უნდა“ — ანიკო 1981 — „მე მოვედი“ — ნორა 1981 — „ცხელი ზაფხულის სამი დღე“ 1982 — „არაჩვეულებრივი რეისი“ 1984 — „ქართველები ცაში“ — მანანას დედამთილი 1984 — „ზოგი ჭირი მარგებელია“ — მართა 1985 — „წყარო“ — ჟუჟუნა 1986 — „ბებია ყველასათვის“

1987 — „ელისა და რარუს თავგადასავალი“ 1988 — „ქველი“ 1988 — „აღდგომის ბატკანი“ 1989 — „ზმანებანი აღლუმებს შორის“ 1989 — „ბესამე“ 1991 — „მე, პელეს ნათლია!“ 1992 — „ვალსი პეჩორაზე“ 1997 — „სამოთხის გვრიტები“ — სიჯანაანთ ქალი 2001 — „ცარიელი სივრცე“ 2009 — „რაც ყველაზე ძალიან გიყვარს 2“ — ნუნუკას ბებო 2011 — „დარჩი ჩემთან“ 2013 — „გრძელი ნათელი დღეები“ — ნათიას ბებია 2017 — „ჩემი ბედნიერი ოჯახი“ — ლამარა

ჯილდოები და აღიარება

• 1979 — საქართველოს სსრ დამსახურებული არტისტი

რესურსები ინტერნეტში

• ბერტა ხაფავა — საქართველოს ბიოგრაფიული ლექსიკონი
• ბერტა ხაფავა — ეროვნული ფილმოგრაფია
• ბერტა ხაფავა — მოზარდ მაყურებელთა თეატრის საიტი
• ბერტა ხაფავა — კინოფილმების ინტერნეტ მონაცემთა ბაზა (ინგლისური)