გიორგი კანდელაკი

გიორგი კანდელაკი (დ. 10 აპრილი, 1974, სოფ. ვარიანი, გორის რაიონი, საქართველოს სსრ, სსრკ) — ქართველი მოკრივე. მსოფლიოს თასის გათამაშების მესამე პრიზიორი (1994). მსოფლიოს ჩემპიონი ახალგაზრდებს შორის (1992). ატლანტის ოლიმპიური თამაშების მონაწილე (1996, პირველი ორი ბრძოლის მოგების შემდეგ მესამე წრეში კუბელ ფელიქს სავონთან დამარცხდა და ბრძოლას გამოეთიშა). 1998 წლიდან პროფესიონალურ კრივში გადავიდა. მსოფლიოს ჩემპიონი WBU-ის ვერსიით (2002, 2003). პროფესიონალურ რინგზე გამართა 24 ბრძოლა და ყველა მოიგო (18 — ნოკაუტით). საქართველოს წლის საუკეთესო სპორტსმენი (1997). საქართველოს კრივის ფედერაციის პრეზიდენტი (2002-იდან). ღირსების ორდენის კავალერი (1997). სპორტული კლუბის „ჩემპიონი“ დამფუძნებელი (1999).

ძირითადი შედეგები

წელი	ტურნირი	მასპინძელი	წონითი კატეგორია	ადგილი
1993	ევროპის ჩემპიონატი	ბურსა, თურქეთი	-91 კგ	01 
1993	მსოფლიო ჩემპიონატი	ტამპერე, ფინეთი	-91 კგ	02 
1997	მსოფლიო ჩემპიონატი	ბუდაპეშტი, უნგრეთი	+91 კგ	01 

ლიტერატურა

• ვინ ვინაა საქართველოში: ქართული ბიოგრაფიული ცნობარი, გვ. 170, თბ., 1998–1999.

რესურსები ინტერნეტში

• გიორგი კანდელაკი — საქართველოს ბიოგრაფიული ლექსიკონი
• გიორგი კანდელაკი — ქართული სპორტის სტატისტიკა.