რეხა (წალკის მუნიციპალიტეტი)
რეხა — სოფელი აღმოსავლეთ საქართველოში, ქვემო ქართლის მხარის წალკის მუნიციპალიტეტში, თემის ცენტრი.[2] წალკიდან დაშორებულია 30 კილომეტრით. სოფელი მდებარეობს ზღვის დონიდან 1658 მეტრზე[3] და განლაგებულია ბორჯომის მუნიციპალიტეტის საზღვარზე. სოფელ რეხიდან უახლოეს დასახლებამდე, ბორჯომის მუნიციპალიტეტის სოფელ გუჯარეთამდე მანძილი 13-15 კილომეტრია.
| სოფელი | |
|---|---|
|
რეხა | |
 | |
| ქვეყანა |
 საქართველო |
| მხარე | ქვემო ქართლის მხარე |
| მუნიციპალიტეტი | წალკის მუნიციპალიტეტი |
| კოორდინატები | 41°41′08″ ჩ. გ. 43°51′08″ ა. გ. / 41.68556° ჩ. გ. 43.85222° ა. გ. |
| მოსახლეობა | 328[1] კაცი (2014) |
| ეროვნული შემადგენლობა |
ქართველები 86 % ბერძნები 13 % |
| სასაათო სარტყელი | UTC+4 |
| სატელეფონო კოდი | +995 |
.svg)    | |
ისტორია
რედაქტირებარეხას მდიდარი ისტორიული წარსული აქვს. 1795 წელს, აღა-მაჰმად-ხანის შემოსევის შედეგად, ისტორიული თრიალეთის ტერიტორია თითქმის მთლიანად დაიცალა, თუმცა რეხა იყო ერთადერთი ქართული სოფელი, რომელიც გადარჩა.[3]
წლების განმავლობაში რეხის მოსახლეობა განიცდიდა მძიმე სოციალურ და პოლიტიკურ ზეწოლას, თუმცა მათ შეინარჩუნეს ქართულსულოვნება და ტრადიციები. 1830-იან წლებში წალკის მხარეში პასკევიჩმა თურქეთიდან ჩამოასახლა სომხები, მართლმადიდებელი თურქულენოვანი ბერძნები და მართლმადიდებელი თურქულენოვანი ქართველები არტაანის მხარედან.[3]
დემოგრაფია
რედაქტირება2014 წლის აღწერის მონაცემებით სოფელში ცხოვრობს 328 ადამიანი.
| აღწერის წელი | მოსახლეობა | კაცი | ქალი |
|---|---|---|---|
| 2014[1] | 328 | 177 | 151 |
კულტურა და ლეგენდები
რედაქტირებარეხა გამოირჩევა ლეგენდებით და ზეპირი გადმოცემებით, რომლებიც სოფელში მდებარე მცირე სამლოცველოს უკავშირდება.[4] გადმოცემის თანახმად, თომა საბაძემ აღმოაჩინა ძველი ეკლესიის ნაშთი, როდესაც მას ღვთისმშობელი გამოეცხადა და მიუთითა ადგილზე. ადგილობრივები ამ ტაძარს დღემდე თომას სალოცავს ეძახიან.[3] ამ მხარეს მრავალი სასწაული უკავშირდება, მათ შორის, წყაროს წყლისა და სხვა საშუალებებით მორწმუნეთა განკურნება.
ეკონომიკა
რედაქტირებარეხაში მოსახლეობა ძირითადად დაკავებულია სოფლის მეურნეობით. მოჰყავთ ხორბალი, ქერი და სხვა მარცვლეული კულტურები. კარგად არის განვითარებული მეცხოველეობა, განსაკუთრებით მსხვილფეხა პირუტყვისა და ცხვრის მოშენება.[4]
სქოლიო
რედაქტირება- ↑ 1.0 1.1 მოსახლეობის საყოველთაო აღწერა 2014. საქართველოს სტატისტიკის ეროვნული სამსახური (ნოემბერი 2014). ციტირების თარიღი: 7 ნოემბერი, 2016.
- ↑ საქართველოს ადმინისტრაციულ-ტერიტორიული ერთეულები. დაარქივებულია ორიგინალიდან — 2013-09-19. ციტირების თარიღი: 2012-07-05.
- ↑ 3.0 3.1 3.2 3.3 რეხა — მისტიკური სოფელი. დაარქივებულია ორიგინალიდან — 2013-09-19.
- ↑ 4.0 4.1 აღმოაჩინე წალკა, გზამკვლევი ტურისტებისათვის.